martes, 1 de agosto de 2017

RUTA LOS DOSMILES DE VILLABANDÍN.PRIMERA ETAPA (MENA DE BABIA-PEÑA ORTIGOSA-VALGRÁN NORTE-VALGRÁN-ALTU TERREIROS-PEÑA LA CRISTALINA-PEÑA BRAÑA VIEYA-RIULLAGU


Ruta fecha col G.M.La Peñuca de Xixón.





Powered by Wikiloc
El coordinaor.
 Esti ye'l pasaporte que certifica,que ficimos los 27 dosmiles de Villamandín.El coodinaor fai de notariu y va sellándolu en cada cumal que facemos.La ruta de güei,ye la primera etapa.Queremos facer los primeros seis cumales de los 27.El Ortigosa,Valgrán Norte,Valgrán,Altu Terreiros,La Cristalin y el Braña Vieya.
La ruta de güei,entama en Mena de Babia.l'Autobús,déxanos a la entrada'l pueblu.
Nun altu,colúmbrase la Ermita de la Virxen de los Remedios.La fiesta,cellébrase nel primer vienres de xunetu.
 El grupu que va facer la ruta alternativa,ya ta impaciente y entama la marcha.
 El restu,tomámoslo con mas calma.Güei queremos facer un 12.000.( Seis picos de 2000m = a......un 12.000.)
 Pasamos al llau d'una piscina fluvial y......
 .....área recreativa.
 Mena de Babia y la piscina fluvial.
 Coyemos el Camín de Morueques,que llévanos al Puertu de Buxecu.
 A mediu camín,columbramos parte del cordal que queremos facer y cuatro de los cumales.

 Seguimos pel Camín de les Marueques.
 Al pasar por la Braña la Robla,vemos........
 .....los seis cumales que queremos facer güei.

 Llegamos al mayáu El Chano,en los Puertos de Buxuecu,con.....
 ....una perguapa fonte,onde dalgún,aprovecha pa refrescase.
Semeya de Magín
 Nuna llomba,atópase una cabaña de teitu y......
 ......un cartel informativu.
 El sitiu ye perguapu pa sentase y tomar un poco de Peñu-Kola.
 Facemos unes semeyes de grupo,n'alcordanza.
Al fondo,la crestería que queremos facer,con cinco de les seis cumales.

 Al coordinaor,debió dai un soleyeru.Quería entamar a correr y facer güei los 27 dosmiles de Villamandín.Dicía que había que aprovechar el bon tiempu.Probe.Tuvimos que encerralu na cabaña.
Dempués de tomar un poco de Peñu-Kola,(qu'entre otres "propiedaes",calma los nervios y serena l'espíritu),lliberamos al coordinaor y facemos-y una semeya al llau la cabaña.
Volvemos a entamar la marcha.Los cumales que queremos facer,vense llonxe y paez que tan llamándonos.
Cabaña de El Chano.Al fondo,el cordal con los seis dosmiles que queremos facer
Coyemos una xiénda que llévanos al Colláu Ortigosu.
 Ya vemos la xiénda que va'l colláu y tres de los picos que queremos facer.
 Todos rexuntaos,dexamos la caleya y....
 ...entamamos la pindia xubida'l colláu.
 Llonxe,vamos dexando los Puertos de Buxecu.
 La xubida ye pindia,pindia.
 La xiénda,pasa entre plantes d'urcia,escoba y......
 ...otres plantes qu'adornen el camín.
Semeya de Magín.
 Seliquín y sin descansu,vamos llegando......
 ....al colláu,onde una vaca pega un berríu .¿Q tará diciendo?

 d'Unu,nunu,vamos llegando.
 Un descansu p'alendar y darréu entamamos la xubida.....(Semeya de Magín)
 ..... a la Peña Ortigosa.
 Arni,fai una parada y controla la xubida del restu'l grupo.
 La xubida ye pindia,pindia.¡¡¡Puxa peñuqu@s!!! ¡¡¡Ixuxúúúúú!!!

 Una paradina pa alendar y columbrar llonxe'l Macizu d'Ubiña

 Col zoom de la máquina,acercamos la zona de Peña Ubiña.

 Los cabezaleros,ya tan nel cumal de la Peña Ortigosa,onde'l.....
 ......coordinaor,sella los pasaportes.Ya tenemos el primer dosmil.
 Cumal de la Peña Ortigosa (2014m)
Esperando a sellar los pasaportes,......
 ....comemos dalguna cosuca y......
 ...esfrutamos de les perguapes vistes.


 Vemos los cinco picos que nos queden por facer.

 El coordinaor,termina col trabayu de los pasaportes y......
......esfruta tranquilu del cumal.
 La baxada del Ortigosa,facémosla per.....
 ....una pedrera.Con cuidadín de nun tirar una piedra,....
 .....llegamos a colláu y sin parar,xubimos pal siguiente picu,el Valgrán Norte.Atrás,dexamos la Peña Ortigosa.
 La montañera,afintando bien los diamantes negros,xube,sufre y esfruta.( Semeya de Magín)
 El coordinaor y la Peña Ortigosa.
 Los cabezaleros ya llegaron.
 Nosotros llegamos tamién y......
 ...facemos una semeya n'alcordanza.
 Un descansín y......
 .....darreu colamos pal siguiente picu,el Valgrán.
 La baxada,ye per vexetación y piedra suelta.
 Otru pequeñu colláu y....
 ...otra vez a xubir.
 Llegamos al cumal del Valgrán.
 Fede,llegando al cumal.
 Una semeya femenina,col coordianor.
 Los cabezaleros,ya tan faciendo la xinta.
 El coordinaor,na cumbre del Valgrán.
 Los demás,buscamos un llugar afayadizu,pa xintar tamién.


 Dempués de la xinta,unes semeyes n'alcordanza.
 Una con los brazos n'altu,pa que se vea que lo tamos pasando perbién.
 Les semeyes mas guapes.Les.....
 ......de les peñuques.
 Volvemos a entamar la marcha. (La Cruz de la Victoria que veis na semeya,ta puesta con programa informáticu.Nel Valgrán nun hai ninguna cruz)
 Colamos pal siguiente picu.l'Altu Terreiros
 
 Picu Valgrán (2091m).Lo dicho.Nel Valgrán nun hai ninguna Cruz de la Victoria.La que veis,está puesta con programa informáticu.
l'Altu Terreiros,fai honor al su nome.Ye.....
.....un terrerón,sin asomu de vexetación,pero tien.....
....su encantu'l xubilu.
Atrás,vamos dexando los tres picos que ficimos.
Foto de cume nel Altu Terreiros (2061m).El cuartu dosmil de güei. 4x2000 = 8000.¡¡¡Ya tamos llegando al Everest!!!
El coordinaor,na cume del Terreiros,diciéndonos con la mano que ye el cuartu 2000 de güei.
Aquí tenemos el "8000" que ficimos y......
 ......los "4000" que nos falten.


 Darréu colamos.Vamos pel quintu.
 Los cabezaleros,ya están nel cumal.
 La xubida,ye por zona pedregosa.
Dalgunos,facen toda la crestería.Nosotros,......
 ....entramos a media lladera.....
 ....per zona de vexetación,......
 .... y pedrera.
 Dempués d'unes perguapes trepadines,....
 ....llegamos al cumal de Peña la Cristalina (2049m).
 ¡¡¡Ya tenemos un 10.000!!!.
 Los caberos,entamen la última trepada
Los bastones,guárdense na mochila,pa tener les manes llibres.
¡¡Puxa peñuques,ya casi teneis un 10.000!!
La mano tendía,per si daquién,necesita ayuda.Na montaña,depréndese a ser compañer@ y solidari@.¡¡¡Puxa la xente montañera!!!
 Carlos,na crestería,atentu por si se necesita ayuda.
 Una sonrisa y.....
 .....seguir cresteando.La cume está cerca.
 Con les manes,dicen que ye'l quintu dosmil.Y ye verdá.Atrás vemos....
 ....los otros cuatro.
 Colamos del picu.Vamos pel sestu.Vamos pel "12.000".
 Ya lu vemos.Ya columbramos la Peña Brañavieya.
 Coyemos la xiénda y......
 ....llegamos al cumal.
 Cumal de Brañavieya (2029m).
 Si,si.El sestu.Los seis dosmiles de la ruta de güei.¡¡Un "12.000"!!.
 Agora a cellebralo a Riullagu.
 Defrente tenemos otra vez,al Macizu d'Ubiña.

 Atrás vemos los seis picos que ficimos y los Puertos de Buxecu.

 Abaxo vemos el camín que nos lleva a Riolago.
 Llegamos a unos praos.....
 ....enllenos de flores marielles y violetes.
 Cruzámoslu,intentando nun pisar ninguna.Entre elles....
 ....perguapes.....
 ......mariposes y.....
 ...otros insectos.....
 ....tienen el su mundo.
 Pasamos al llau d'un refugio y.....
 ...coyemos la caleya que nos lleva a Riolago.
 Riolago
Pasamos al llau la Casa l'Escribanu,con capilla y......
....escudu.
 Facer un "12.000",bien merez un descansu y......
......un tragu d'agua,na fonte'l pueblu.

La Ilesia'l pueblu.
Dempués de facer el "12.000" y cambianos de ropa,fuimos a cellebralo al Paliciu de los Quiñones.Tomando un.....
.....xelau.Na......
...terraza'l chigre o......
....escuchando música.
G.M.La Peñuca,nel Mayáu el Chano,nos puertos de Buxecu

1 comentario:

  1. Precioso e ilustrativo reportaje de los primeros 6 dos miles. Gracias!!

    ResponderEliminar